ලබන හූලි මාසෙ ( අපි බඳිමුද ?)


ඉතා විචිත්‍රවත් වූ සංස්කෘතියක්ද , ඉපැරණි ඉතිහාසයක්ද අයත් රටකි , මෙක්සිකෝව.
එක්තරා වසරක වසන්ත නිවාඩුවට අපට මෙක්සිකෝවට යාමට වාසනාව උදා විය.
සැන්ඩියාගෝවේ ( San Diego ) ජීවත්වූ මගේ මිතුරා සතු කෑම්පර් රියක් විය.
අඩි 30 කට වඩා දිග එතුළ අංග සම්පූර්ණ නිදන කාමරයක් , සාලයක් , කුස්සියක් සහ
කුඩා වැසිකිළියක්ද විය. නිදා ගැනීමට අවශ්‍ය වූවිට , එක බොත්තමක් එබීමෙන්
සාලයද , කුස්සියද නිදන කාමරයක් බවට පත් කළ හැකිය.
කුස්සියේ ගෑස් උදුනක් , මයික්‍රොවේව් උදුනක් , ශීතකරණයක්ද වේ.
සාලයේ TV එකක් සහ DVD ප්ලේයරයක්ද ඇත.
අප මෙක්සිකෝවට ගියේ එම කෑම්පරයේය.

මා වුඩ්වර්ඩ් යුනිවර්සිටියේ ඉගෙන ගන්නා කාලයේ මිතුරුවූ මෙක්සිකන් ජාතික ඇලෙක්ස් බොනිල්ලා හිත හොඳ මිනිසෙකි. ඔහුගේ නම ඉන්ගිරිසියෙන් ලියන්නේ මෙසේය. Alex Bonilla. ඉන්ගිරිසි ‘ L’ අකුරු දෙකක් එක ළඟ එන විට එය ශබ්ද කරන්නේ වෙනස් විදියකට බව ඔහු කියා දුන්නේය.
ඒ අනුව ඔහුගේ නම කියැවෙන්නේ ඇලෙක්ස් බොනියා කියලාය. එසේම J අකුර ශබ්ද කරනුයේ H ලෙසටය. Jose ( ජොසේ ) නම කියන්නේ හොසේ කියාය. ඇමරිකාවේ George ( ජෝජ්) මෙක්සිකෝවේදී “හොරහේ ” වෙයි.

සැන්ඩියාගෝ ගුවන් තොටින් පිටවූ අප , මා මිතුරා ජීවත්වූ ලා ජොල්ලා ( La Jolla ) නගරයට යාමට ටැක්සියක් සෙව්වෙමු. කීප දෙනෙකුගෙන් ලා ජොල්ලා ගැන ඇසුවත් කිසිවෙක් නොදන්නා නිසා මා එය ලියා පෙන්වීය. එය ශබ්ද කරන්නේ ” ලා හොයා ” කියාය.
ඒ අනුව අප මෙක්සිකෝ ගොස් ඇත්තේ මගේ මතකයේ හැටියට 1992 වසරේ “හූනි” හෝ “හූලි” මාසයේය.
ගමනට සතියකට පෙර මම ඇලෙක්ස් බොනියාගෙන් මෙක්සිකෝවේ විස්තර ඇසුවෙමි.
ඔහුගේ අවවාදය වූයේ ඇමරිකන් සීමාවට කිට්ටු තිජුවානා සහ රොසලිතෝ නගර
වලට යන ලෙසත් රට ඇතුළට යාම අනතුරුදායක බවත්ය. ඔහු විශේෂයෙන් යමක්
මතක් කර දුන්නේය.

” ඒයි යනකොට මතක් කරල සන් ග්ලාස් අරන් පලයන්”
” ඇයි ඒ තරමටම අව්ව සැරද?” මම ඇසුවෙමි.
” නෑ බං.. ලස්සන කෙල්ලො වැහි වැහැල. කෝක තෝර ගන්නවද කියල උඹට හිතා ගන්න බැරි වෙයි”
” ඉතින් සන් ග්ලාස් ?”
” මෝඩයෝ.. උන් දිහා බලන්න ගිහින් උඹේ ගෑනි ගහයි උඹේ හොම්බට.. සන් ග්ලාස් දාගත්තම උඹේ ගෑනිට පේන්නෑ උඹ කොහෙද බලන් ඉන්නෙ කියල”

අක්කර සිය ගණන් එක දිගට විහිදෙන මිදි , බෝංචි වගාවන් මැදින් අපි ගමන් කළෙමු.
ගෝවා කුලයට අයත් විටමින් C බහුල පිළිකා මර්දන ශක්තියක් ඇතැයි කියැවෙන බ්‍රොකොලි වගා
බිම්ද , අඩි පනහ හැටක් උසට වැවෙන පඳුරුමය ශාකයක් වන පිෂ්ටෑශියෝ වගා බිම්ද
ඇසට සුව දෙන දසුන්ය.
මා කුඩා කළ කව් බෝයි චිත්‍රපට බැලීමට ඉතා ප්‍රියය.ක්ලින්ට් ඊස්ට්වුඩ් , රෝයි රොජර්ස් අපේ කාලයේ
වීරයන්ය.කව් බෝයි චිත්‍රපට වල දැක පුරුදු විශාල තොප්පි , පළල් ඉන පටි , උල් සපත්තු හැඳ
පැළඳ ගත් පිරිමි මෙක්සිකෝ නගරවල සුලබය. අඩුවකට පෙනුනේ ඉන බැඳි පිස්තෝලය පමණි.

අපේ රටේ පුංචි සිඤ්ඤෝලාට සමාන ඔවුන් සිඤ්ඤොර්ලාය. ඔවුන්ගේ අඹුවන් සිඤ්ඤොරා වේ.
අවිවාහක ගැහැණු සිඤ්ඤෝරීටලාය.
රොසලිතෝ වෙරල අස බඩ වූ නගරය සංචාරකයන් ගෙන් පිරි පැවතින. කැළණියේ මෙන්
විසිතුරු මැටි බඩු…මිරිස් කුඩු හා ලුණු කුඩු දැමූ අන්නාසි සහ අඹ කෑලි විකුණන
වෙළෙන්දන් ලංකාවේ කලබල සහිත නගරයක් සිහි ගන්වයි.

තෙල් සම්පතද සහිත් විශාල භූමි ප්‍රමාණයකින් පොහොසත් මෙක්සිකෝව සම්පත්
පරිපාලනයේ ඇති දුර්වලතා නිසා ආර්තික අතින් අස්තාවර රටකි.

ලංකාවේ මෙන් ඇති එකාට හැම දේම ඇත. නැති එකා අන්ත දුප්පත්ය.
යමෙක් ඉරානයේ , චීනයේ හෝ කොරියාවේ දේශ සීමාව බිඳ ගෙන රහසේ රටට
ඇතුළු වුවොත් වෙඩි පහර සිකුරුය. ඉන් පසු මිනියවත් හොයා ගැනීමට නොහැකිවේ.
එහෙත් යමෙක් ඇමරිකන් බෝඩරය බිඳ ගෙන ඇමරිකාවට ඇතුළු වුවහොත් ,
මොළේ ඇත්නම් ඔහුගේ කල්ල මරේය.

එනිසා හැම මෙක්සිකානුවෙකුගේම සිහිනය වී ඇත්තේ කෙසේ හෝ ඇමරිකාවට
පැන ගැනීමය.

Advertisements
This entry was posted in Uncategorized. Bookmark the permalink.

20 Responses to ලබන හූලි මාසෙ ( අපි බඳිමුද ?)

  1. Dinesh පවසයි:

    La Jolla = ලා හොල්ලා නේද?

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )