( අව ) නඩුව


ස්තානය : අවිස්සාවේල්ල මහේස්ත්‍රාත් අධිකරණය.

ශාලාව අතුරු සිදුරු නැතිව පිරී ඇත. විදුලි පංකා කීපයක්
ඇතත් ගැහැණු කුඩා අත් ලේන්සු වලින්ද , පිරිමි පත්තර වලින්ද , නීති වේදියෝ නඩු කොපි වලින්ද පවන් සැලූහ.
ශාලාව පුරා එකම ගාල ගෝට්ටියකි. හිටි හැටියේ තෝල්කයා..

උසා…. වි… ය.. නිශ්ශබ්ද වෙනු…

සියළු දෙනාම නිහඬ වේ. නඩු කාර උතුමා සැපත්වේ.

නඩුකාරයා තෝල්කයා සමඟ මොනවාදෝ මුනු මුනු ගායි.

“නඩු අංක 15225.”..තෝල්කයා බෙරිහන් දෙයි.
පැමිණිලි කාරිය .. වත්සලා ගුරුසිංහ
විත්තිකරු… නිහාල් ගුරුසිංහ…

“your honor”.. මම පැමිණිලිකාරිය වෙනුවෙන් පෙනී සිටිනවා..
“your honor” මම විත්තිකරු වෙනුවෙන් පෙනී සිටිනවා.. කළු කබා හැඳ ගත් දෙදෙනෙක් හිස නමා ආචාර කොට කබා සකස් කර ගනිමින් අසුන් ගනී.

නිහාල් ගුරුසිංහ කළු පාට කලිසමක්ද, සුදු අත් දිග කමිසයක්ද හැඳ රතු පාට ටයි පටියක්ද පැළඳ විත්ති කූඩුවේ සිටී.මඳක් තරබාරු , කෙස්ස ටිකක් සුදු වී ගෙන එන ඔහු මැදිවියේය.

පැමිණිලි කූඩුවේ සිටින ඇය සුදු හැට්ටයක් හා සුදු සාරියක්ද ඇඳ සිටින අතර කරේ හීන් මාල පොටක්ද, දෙකන් වල රතු ගල් ඇල්ලූ කුඩා කරාඹු දෙකක්ද පැළඳ සිටින ඇය මැදිවියට එබිකම් කරන රූමතියකි. එහෙත් මුහුණ මලානිකය.

තෝල්කයා.. ස්වාමිනී , මේ විත්තිකරු ද්වේෂ සහගත ලෙස ඔහුගේ නීත්‍යානුකූල බිරින්ද වන මේ පැමිණිලිකාරිය හැර දමා… සමාවෙන්න ස්වාමීනී මෙය ටිකක් අමුතු ජාතියේ පැමිණිල්ලක්….

විත්තියේ නීතිඥයා වත්සලාගෙන් ප්‍රශ්න අසයි..

නඩුකාරයා: විත්තිකරුගේ තරාතිරම?
තෝල්කයා: ඔහු උගත් කෙනෙක්. රැකියාව ප්‍රධාන පෙළේ වෙළඳ ආයතනයක විධායක නිලධාරියෙක්.
ඔහුට දාව පැමිණිලිකාරියට තරුණ දියනියන් දෙන්නෙක් සිටිනවා. ඔවුන් මේ ශාලාවේ ඉන්නවා. අවශ්‍ය වුවොත් සාක්කි දීමට කැඳවිය හැකි.

වි.නී: මේ විත්තිකරු පවුලේ ඔනෑ එපා කම් මග හරිනවාද “
පැ. නැත ස්වාමිනී.

වි. නී: ඔහු මත්පැන් පානය කරනවාද ?
පැ: ඉඳ හිට..ඒත් දැන් වසර දෙකක සිට කිසි මත්පැනක් පානය කරන්නේ නෑ.

වි.නී: එසේ මත් පැන් පානය කල විට ඔහු ඔබට පහර දී තිබෙනවාද ?
පැ: අනේ නැහැ.. කවදාවත් නැහැ.

වි.නී: ඔහු ගෙදර දොර වියදම් පැහැර හරිනවාද?
පැ: නැහැ ස්වාමිණී. ගෙදර හැම වියදමක්ම කරන්නේ ඔහු.

වි:නී: ඔහු දරුවන්ගේ යුතුකම් පැහැර අරිනවාද ?
පැ: අපෝ නැහැ. ඔහු දරුවන්ට හරිම ආදරේ.

නඩුකාරයා. එහෙමනං මොකද්ද මේ පැමිණිල්ල ?

පැ: ස්වාමිනී ඔහු හොඳ ගති පැවතුම් තියෙන සාමන්‍ය කෙනෙක්. උදේට හොඳට නිවසින් පිටවන ඔහු සවස ගෙදර එනවිට අමුතුයි.

වි. නී: තව ටිකක් පැහැදිලි කරන්න.

පැ: ගෙදර ආ විගස ඇඳුම් මාරු කරන්නේවත් නැතිව කොම්පියුටරය ළඟ වාඩි වෙනවා. නෝට් පෑඩ් එකේ මොනවද දාගෙන කොටනවා. ඒක අමුතු භාෂාවක්. ඉන් පස්සෙ.. යුනිකෝඩ් කොන්වර්ටරය ඕපන් කරගෙන ඒවා සිංහලට හරවනවා. ඊට පස්සෙ බ්ලොග් එකක්ද මොකක්ද ඇර ගෙන අර කොටපුවා ඒකට අප්ලෝඩ් කරනවා.

නඩුකාරයා: ඉන් පස්සෙ ?
පැ: ඊට පස්සෙ තනියම හිනා වෙනවා. සමහර වෙලාවට ඇස් වල කඳුළු පුරෝගෙන ඉන්නවා. මට නං මේ ජීවිතය එපාවෙලා ස්වාමිනී.

නඩුකාරයා : ඔබ නිකමටවත් බැලුවෙ නැද්ද ඔය කොටන්නෙ මොනවද කියල.?
පැ: නෑ.. මට රවනවා එතකොට.

වි: නී: ඒක සමහර විට ඔහුගේ විනෝදාංශය වෙන්න ඇති.
පැ: වෙන්නෑති. ඒත් ඒකෙන් මගේ විනෝදාංශය නැති වෙනවනේ.

වි: නී: ඒ කොහොමද ?
වත්සලා මඳක් ලැජ්ජාවෙන්..
ස්වාමිනී.. 2010 සැප්තැම්බරයේ සිට ඔහුගෙත් මගෙත් කිසිම කායික සම්බන්ධතාවයක් නැහැ. ඔහු හරිම අපිරිසිදුයි.. නාන්නෙත් නැහැ.

වි: නී; සමහරවිට ඔහු පුරුෂකාර්යයේ අසමත්.. බෙලහීන…

පැ: ඒක දැනගන්නවත් විදියක් නෑ ස්වාමිනී..

නඩුකාරයා: හොඳයි.. ඔබ මේ අධිකරණයෙන් මොනවද බලාපොරොත්තු වෙන්නෙ?

පැ: ස්වාමිනී මා ඉල්ලා සිටින්නේ මෙපමණයි.. ඔහුගේ අත් දෙකේ ඇඟිලිවල උඩ පුරුක් දහය කපා දැමීමට නියම කරන ලෙසටයි.

ඒ කියනවාත් සමඟම පැමිණිලි කාරිය සිහිසුන්ව ඇද වැටේ.

විත්තිකරු.. කූඩුවට උඩින් පැන ” වත්සලා……” යැයි කෑගසමින් ඒ දෙසට දිව යයි.

*********************************************************************************

මළ වදයක් මේක. රෑට පන්සිල් අරන් බුදියන්නෙ නැතිව රෑ තිස්සෙ බෙරිහන් දෙන්ව. වත්සලා සැමියාට වැලමිටෙන් ඇන අනික් පසට හැරුනාය.

* අන්තිම පේළියෙන් උපුටා ගන්න ලදී.

Advertisements
This entry was posted in Uncategorized. Bookmark the permalink.

20 Responses to ( අව ) නඩුව

  1. Sahan Thanthiriwatte පවසයි:

    ගුරුසිංහ මහත්තයා,
    1) http://locallanguages.lk/ එකට යන්න.
    2) Vista හෝ Wn7 නම් QuickFix එක install කරගන්න
    4) ඒකෙ තියෙන් link ටිකක් කියවන්න.
    3) සතියෙන් පුරුදු වෙයි.

    *****

  2. lakmal පවසයි:

    දැන් සිංහලට හරවන්න එච්චර දුක් විඳින්න ඕනේ නැ.

    http://www.google.com/transliterate/Sinhalese

  3. Sahan Thanthiriwatte පවසයි:

    ගුරුසිංහ මහත්තයා විජේසේකර දන්නෙ නෑ වගේ.
    ඉගෙන් ගන්න එතකොට වැඩ අඩුයි, ලේසියි.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )